اگوام متهدهئے تها بلۆچ زالبۆلانی ائولی جُنزئے بستارا برمش جُنزئے موجودگی

برمش/ پنچشَمبِهئے رۆچا ۸ آزر ۱۴۰۳، سوییسئے سرڈگارا جنیوا [ژنو] اگوام متهدهئے بُنجاهی کارگسا [کمترێنانی تها وانگ و زانگ]ئے سر هالئے سرا سیمیناری برجم دارگ بوت و ائولی رندا اگوام متهدها بلۆچستانئے زالبۆلانی یک گلے داوت داتگِش و بانُک “زێبا بهتیاریا” اے سیمینارا برمش گلئے نێمگا بهر زُرتگ و بلۆچستان وانگ و زانگئے بارئوا بلۆچ راجئے اڑئے جنجال درشان کُرتگ.
اے سیمینارئے تها اێرانئے تها نندۆکێن جتا جتاێن راجانی نمایندگان بهر زُرتگ و راجانی تها وانگ و زانگ و تربیتئے جێڑهانی بابتا گُشتانک داتگ‌اَنت.

من بلۆچستانئے زالبۆلانی تئوارئے نێمگا برمشئے نێمگا گپّایان.
اێرانئے تها بلۆچ نزّیک مان ۵ ملیونئے مردم اَنت. بلۆچ کۆدکان مان اێرانا وانگ و زانگ و دگه چاگردی هکّانی پڑا مزنێن تبییزئے [تبعیض] آماچ اَنت.

ده هزار بلۆچئے چُکّ بے ریاست اِنت و چه آیان پئیدایشئے سندا زبهر اَنت. پئیدایشئے کاٹئے نبئیگا اے زهگ بازێن سرکاری آسراتیئے رسگا چه زبهر بنت که اِشانی تها وانگ و زانگئے رسگ هم هئوار اَنت.
بلۆچ مهلوک مزنێن گریبیئے آماچ اَنت و اے جێڑه سرکاری وانگ و زانگئے نزامئے تها سرمایه کاری و شرکتئے کمیا گۆن بندۆک‌اَنت. تالیمی ادارهئے آسراتی کمّ اَنت و وانگجاه سکّ کمّ اَنت، استاد و سامان کمّ اَنت و آیانی رسگ مشکل اِنت. گریبی و نا دستیابیئے تالیم، یک جاوری گار کنگیا اڈ کنت.

اێرانئے سرکاری رسانکدرئے رِدا بلۆچستان و سیستانا چل و پنچ هزارا چه گێش زهگ چه وانگ و زانگا زبهر اَنت. چه بلۆچستان و سیستانا ابێد اێرانئے دگه استانانی بلۆچ چۆ که هرمزگان و کرمانا هم همے جێڑهانی آماچ اَنت. گریبیئے سئوبا مان اے دمگا بلۆچ کۆدک سکّ باز اَنت. جنک زوت آرۆس کنگا مجبور بنت و بچک مجبور بنت که مالی زۆرئے سئوبا هاندانئے سرا کار بکننت و اێرانئے سرکارا اے جێڑهانی گیش و گیوارئے هاترا هچ وڑێن سیاستے نێست.

ما رندئے کارانی لۆٹا کنێن:

• اێرانا بلۆچ زهگانی وانگ و زانگئے نزۆریئے بُنکیئے سئوبان چه هئوار شدیدێن گریبی، بلۆچستانئے وانگ و زانگئے پڑا سرمایه کاریئے نێمگا نبئیگ و زهگانی زهگئے آرۆسا هئوار کنگی اِنت.
• اێرانا اێرانئے آیینئے ۱۵ می بند و میان اُستمانی کانودئے رِدا وتی زمه واریان پێلو کنگی اِنت که آ دراهێن زهگان وتی زبانئے وانگ و زانگا بدنت، اشانی تها اهوازی اَرب، بلۆچ، کُرد، تُرک، لُر و ترکمن هئوار اَنت.
• اێرانا انسانی هکّانی جهانی جارئے آرٹیکل ۱۵ئے رِدا بے ملکێن بلۆچان شهریَت بدنت.

Bramsh_balóchistaná_janénani_tawár

جُهد په برابریئے رسگ و هرچ وڑێن تبییز [تبعیض]ئے هلاس کنگ و اگوام متهدهئے انسانی هکّانی بُنیادئے کارانی دێما برگا چه رندئے لنکان چه رندگیر کنگ بیت کنت:

#برمش_بلۆچستانئے_جنێنانی_تئوار

وبسایت برمش :
www.Bramsh.org
Instagram:
https://www.instagram.com/bramsh_org
Telegram:
https://t.me/bramshbalochistan