برمش/ بانک کریمہ ۸ مارچ ۱۹۸۳ ءَ ودی بوتگ. فدا ھمید ءُ ھاتون بی بی ءِ کسہانی آتراپ ءَ رُستگیں بانک کریمہ انچو مزن بیت’ نوں آئی ءَ بلوچ راج لمہ ء وتن ءِ نام ءَ زانت . آ ایوک ءُ تھنا گوں میتگ ءُ بازار بیت ھرکس ءَ اے زمین ءُ وتی ھکانی سرپد بوھگ ءِ پنت ءَ دنت ءُ آھاں سر و سوج کنت کہ شُما نزور نہ اِت.

نوکیں پند’ ءُ راہ سازی’ ءُ چتور ما وتا چہ زوراوراں بہ رکین ئیں. آئی ءَ شر زانتگ ات کہ منا چہ پیسر منی ھمراہ چنچو بے دردی ءَ زوراوراں شھید کتگ اتاں. بلئے آ چشیں وھیلاں نہ پروشت آ روان ات. تھنا بوھان ات’ ءُ وتی بے وابیانی تہا یک رژنائیں آگھی یے شوھاز ءَ ات.

آ سرپد ات کہ اے تُنگّیں ھاک ھون لوٹیت’ اے ویرانگیاں تھنا یک ءُ دو سر اناں بلکیں سرجمیں بلوچ راج پکار بیت’ آ دلجم ات کہ یکروچے من یک مردمے آں سپر کنگاہاں ‘ منا چہ پد ھزاراں کریمہ اے راہ ءُ دگانی مساپر بیت ءُ تھنا بلوچ ءُ بلوچ ءِ زمین ءِ ھاتر ءَ درکایاں’ آھاں منا چہ گنتریں رنجانی دیمپان کنگی بیت.

بلئے دم نہ بر آں ‘ ھمے وڑا جھد ءَ برجم داراں. اے زندانیں چاگرد ءَ روایتانی پروشگ یک دیستگیں وابے بلئے بانک ءَ ھچ گپ مان نیاؤرت’ ھچ تکلیپی دیما نہ کت. نئیکہ گلگے کُت’ بس بچکندگ ءَ ات’ سکین دیان اَت. روان ات آئی ءَ زندانیں چاگرد یک رژنائیں بانداتے ءِ باھوٹ کنگی ات.

آ تہاریں کوٹیانی تہ ءِ بے وسیں بلوچانی اوستے اَت. آ مدام چاگرد ءِ زندانی زوراکی کنوکاں چم سُھر دیان ءُ جنزگ ءَ ات. گوں مردیناں ھور ءُ تور اَت. آ مدام جھد ءَ ات روچ پہ روچ گرانتریں بھرے پہ بلوچستان ءِ ھاتر ءَ کوپگاں جاگہ دیان ات.
زوراوراں آئی ءِ اے کار نا دوست ات برے یک پندلے سازان ات. باز جھد ءَ ات کہ چتور اے توار ءَ ھاموش بکنیں’ بلئے بے سوب بوتاں’ اگاں سوبمندی رسگ ءَ تھنا بانک ءَ کہ آئی ءَ ھرکسی دل ءَ جاگہ کتگ ات.
آ وتی وھداں BSO جھت ءَ سیاست کنگ ءَ ات’ ھرکس ءَ مھکم کنگ ءَ ات’ یک یک ءَ بانک ءِ ھمراہ گار و بیگواہ بوھان اتاں’ بلئے بانک ءِ جھد برجاہ ات.

چاگرد ءَ آئی ءَ را وڑ وڑیں بھتام جت’ ریاست ءَ وڑ وڑیں پندل ساز ات’ آ مھکم بوھان ات
۲۰۰۹ ءِ بلوچستان جبر ءُ زوراکیانی میان ءَ روک ات.
کُشت ءُ کوش’ گار و بیگوائی’ بیم ءُ تہاریانی تہا بانک مدام زمین ءَ زیرآب کنگ ءَ اَت.
آئی ءِ واب ھمیش ات کہ درست تپاک بہ بنت ءُ یک مشتی ءَ یکیں پتر ءَ بہ ننداں ءُ پہ راج ءِ باندات ءَ بہ جیڑاں ‘ کار بکناں. ۲۰۱۵ ءَ بانک بی ایس او آزاد ءِ چیئر پرسن گچین کنگ بیت. ریاست وتی جبر ءُ زلم ءَ یک کشی وڑا برجاہ داران ءَ بازیں گل یے پروشت ءُ پروش ءِ دیمپان کنت ءُ آھاں پابندی جنت’ ھمے وھد ءَ بازیں سیئنریں سنگتے شھید بیت لھتیں گار و بیگواہ کنگ بیت. آھانی تہا چیرمین زاھد بلوچ ھم ھوار انت کہ تنینگہ بیگواہ انت. بانک اے ساھت ءَ سک تھنا بیت بلئے جھد ءَ یلہ نہ دنت. سپر کنت ‘ برے پنجگور ءُ برے گوادر’ برے ھاران ءُ کوھلو’ برے یک نیمگے رؤت ءُ وتی توار ءَ سر کنت.

۲۰۱۶ ءَ بانک دنیا ءِ ۱۰۰ با اثر زالبولانی تہا شمار کنگ بیت’ آ میان استمانی پلیٹ فارم ءَ بلوچستان ءِ زوراکیاں پدر کنت’ ھرچ جاہ ءَ بلوچ ءِ سرا بوؤکیں زوراکیاں پیشداریت.

ھمے وڑا ۲۱ دسمبر ۲۰۲۰ ءَ رژنائیں استال ابدمان بیت ءُ وتی لیکہاں سرجمیں بلوچانی میار کنت ءُ نمیران بیت. اگاں مرچی بلوچستان ءِ تہا باز کچ ءُ کساس ءَ مردین ءُ زالبول یک مشت ءَ ھم تواراں اے تئی جھدانی برورد انت لمہ ء وتن.

Bramsh_balóchistaná_janénani_tawár

جُهد په برابریئے رسگ و هرچ وڑێن تبییز [تبعیض]ئے هلاس کنگ و اگوام متهدهئے انسانی هکّانی بُنیادئے کارانی دێما برگا چه رندئے لنکان چه رندگیر کنگ بیت کنت:

برمشبلۆچستانئےجنێنانی_تئوار

وبسایت برمش :
www.Bramsh.org
Instagram:
https://www.instagram.com/bramsh_org
Telegram:
https://t.me/bramshbalochistan